National Geographic O‘zbekistonni Buyuk ipak yo‘lining yo‘nalishi sifatida tanitdi

Uzbekistan Travel xabariga ko‘ra, xalqaro National Geographic nashri O‘zbekistonning turizm salohiyati, tarixiy merosi va zamonaviy infratuzilmaning rivojlanishiga bag‘ishlangan keng ko‘lamli maqolani chop etdi. Mamlakatimizning asosiy shaharlari bo‘ylab sayohat qilgan amerikalik yozuvchi Gari Shteyngart nashr muallifi bo‘ldi.

Muallif eʼtibor markazida Toshkent, Samarqand va Buxoro shaharlari bo‘ldi. Mamlakat bilan tanishuv muallif fikricha, Buyuk ipak yo‘lining anʼanaviy savdo ruhini saqlab qolgan Toshkentdagi «Chorsu» bozoridan boshlanadi. Samarqandda yozuvchi madrasalar ansambliga ega Registon maydonini, Buxoroda esa tarixiy markaz, Ark qo‘rg‘oni va minorali Kalon masjidini alohida taʼkidlaydi.

Tarixiy yodgorliklardan tashqari, maqola O‘zbekistonning zamonaviy sayyohlik infratuzilmasini, jumladan, mehmonxonalar, transport tarmoqlari va gastronomiyani ham qamrab olgan. Nashrda turizm sektorining dinamikasi qayd etilgan: maqola muallifining maʼlumotlariga ko‘ra, o‘tgan yili mamlakatga taxminan 12 million xorijiy sayohatni amalga oshirgan insonlar tashrif buyurgan bo‘lsa, o‘n yil oldin bu ko‘rsatkich qariyb ikki millionni tashkil etgan edi. Shuningdek, 2030-yilga kelib 20 million sayohatchi belgisiga erishish bo‘yicha strategik maqsad tilga olingan.

Shuningdek o‘qing

• Buxoroda Fransiya madaniyati oyligi bo‘lib o‘tadi
• Samarqandda Challenge Samarkand 2026 xalqaro festivali o‘z nihoyasiga yetdi
• Gruziya Toshkentda B2B rod-shousini o‘tkazdi va Tbilisiga qishki reyslarni taqdim etdi