Lonely Planet Астананы Best in Travel 2027 тізіміне енгізді

Lonely Planet баспасы Астананы Best in Travel 2027 жыл сайынғы халықаралық тізіміне қосты. Қазақстан астанасы «Әсерлер» (Experiences) категориясында «Астананың сәулет өнеріне тәнті болыңыз» деген ресми ұсыныспен ұсынылған. Бұл туралы Astana Tourism туризмді дамыту орталығының өкілдері хабарлады, деп жазады Tengri Travel.

Lonely Planet сарапшылары мен авторларының халықаралық қауымдастығы таңдаған Best in Travel 2027 жаһандық жинағына жалпы әлемнің 50 бағыты мен туристік әсерлері енді. «Әсерлер» категориясының азиялық блогында Қазақстан астанасымен қатар Малайзияда орангутандарды бақылау, Индиядағы Дарджилинг Гималай теміржолымен сапар, Жапониядағы Michinoku Coastal Trail жаяу жүргіншілер маршруты және Тайвань бойынша гастрономиялық саяхат атап өтілді.

Бұған дейін Қазақстан Best in Travel 2025 рейтингіне баруға ұсынылатын елдердің бірі ретінде енген болатын, ал Астана өңірмен танысудың бастапқы нүктесі ретінде аталған еді. 2027 жылғы жинақта Lonely Planet сарапшылары елорданың сәулеттік келбетінің бірегейлігіне, оның заманауи урбанистік шешімдеріне және ауқымды қоғамдық кеңістіктеріне тікелей назар аударды.

Елордалық туризмді дамыту орталығының деректері бойынша, Lonely Planet-тің барлық цифрлық платформалары мен таратылымдарындағы ай сайынғы аудиториясы шамамен 18 миллион қолданушыны құрайды. Брэнд контенті жыл сайын 200 миллионнан астам бет қаралымын алады, ал оның ресурстарын 60 миллионға жуық саяхатшы пайдаланады.

Қазақстан астанасына сапар жоспарлап отырған саяхатшылар үшін гидке ену сәулеттік және мәдени-танымдық экскурсияларды сапар бағдарламасының басым бөлігі ретінде ерекше көрсетеді.

Сондай-ақ оқыңыздар

• Kaspi.kz шетелге сапарларға арналған eSIM сервисін іске қосты
• Қазақстанда ішкі әуе рейстерінің саны арттырылып, Арқалық әуежайы қалпына келтірілді
• ҚТЖ поездарында WhatsApp пен Telegram желілеріне тегін қолжетімділік іске қосылмақ